المدونة هذي تقريبًا خاصة (فَ اللي تحتاج أجوبة للسكن وكذا ما أتوقع تفيدها
)
)
❜❜
❜❜
رسم: ArtAfrah@
.
بتكلم ع خواتي بالسكن, من يسار الصورة, homi – fof – jojo – sam
fof أختي حقيقة っ(∩_∩)っ
والباقي خوات ماجابتهم أمي, كلنا كنا ندرس بنفس المدرسة بس ما بيننا أي احتكاك, بالذات sam ما كنت أعرفها مرة وانصدمت لما عرفت انها بمدرستنا . .
.
homi
أمنا الثانية جد كأنها أم لنا, تهتم بأكلنا وتطبخ لنا, تهاوشنا إذا ما نظفنا غرفنا وسوينا شيء غلط . .
فاهمة وأكبر من بنات جيلها وبنفس الوقت جلستها ما تنمل وتفتح نفسي حتى لو كنت متضايقة . .
دايم تجي تتكلم معي والعكس كذا ياخي أحس براحة إذا تكلمت معها, بس نقلت من السكن الحين وجد فقدتها مرةة =”(
أكثر شيء يعجبني فيها طموحها ما شاء الله, ع كثر ما تمر بمواقف صعبة وأي شخص بمكانها رآح يتعب ويوقف إلا هي بسم الله عليها تقلب هالشيء لصالحها
تخبي اللي مضايقها وتوهم اللي حولها بالعكس تماما, بس حساسة مرة أي شيء يبين بعيونها . .
تستحي مرةةة, من جوة واثقة من نفسها كثثير بس حياها يمكن مغطي هالشيء
نحب نشبهها ب (شفيء) اللي بسبونج بوب (^o^)
ستايلها بططل ومرة حلوو عليهاا . .
أذكر مرة زارتنا خالة أم هومي, ووصتني عليها وكذا > وأنا فخاطري أقول توصيني أنا عليها ! عز الله ضاعت البنت =”)
بس كلامها للحين ف قلبي والله, حسيت إن البنت هذي ع قوتها اللي تظهرها لنا بس من جوة شيء ثاني محتاج إنه يتحافظ عليه
واثقة لدرجة كبيرة إن مستقبلها رآح يكون كبير مرة, وربي ما رآح يضيع لها تعب . .
أحترم هالبنت كثير, وجدا فخورة إنها أخت لي
أحبك يا عنزتي الجميلة :$
.
.
fof
اختي النشبة من الأزل / هههههه لا أمزح أمزح
طموحة, طموحة … طممموحة
أكثر إنسانة شفتها تتحمل أي شي عشآن توصل للشيء اللي تتمناه
موهوبة مرة ما شاء الله, أحب أتفرج ع أعمالها لإن منها أعرف شخصيتها
تستحي مرة بس ما تبين هالشيء, تحب تنبسط كثثثير, وإذا ضحكت ما تسكت
ما أقدر أقاوم نفسي ع الضحك إذا هي ضحكت عشان كذا فاللحظات الحرجة أقلب وجهي عنها لإني دارية بتنكبني (¬_¬”)
تحب تغامر, مخيلتها واسعة, ما تجرب اللي ما يعجبها, قناعاتها صعب تتغير بسهولة
تكره النآس اللي ما يقدرون فنها وبالذات اللي يحسسونها إن شغلها ما يتعب أو ماله قيمة
أحب ستايلها مرة, ودايم أزرف من عندها ┏(‘▀_▀’)ノ
Shinee + EXO > فيك خير تكلم فيهم قدامها = )
فيها فوبيا مرعععععبة من الثعابين
نسميها بسيط, سلتوح ^^”
ما تحب ترتب الملابس مرةة, مشيتها غبية ولا تعرف تلبس الطرحة σ(`▽´)-σ
فيها غموض, ما تتكلم ع اللي مضايقها بسهولة
أيام المتوسط والثانوي كانت منغلقة شوي ع نفسها كنا دايم نتضارب وكذا
بس اممم مع الجامعة والسكن تقربنا كثير من بعض, صرت أفقدها كثير إذا طلعت من غيرها ونادرا يصير هالشيء . .
أكثر شيء يضحكني إذا مثلا تضاربنا مع بعض وفيه شيء متحمسين نقوله, ننسى إننا تزاعلنا أصلا ونسولف عادي
وإذا كنا فمكان وشفنا شيء ع طول نطالع ف بعض وكل وحده تفهم تفكير الثانية ونفقع ضحك
أحيانا الحركات اللي نسويها تكون سماجة أو مبالغ فيها بس هذي شخصيتنا مع بعض (˘⌣˘ʃƪ )
ما أحب أطلع أو آكل أو أشوف شيء يعجبنا من غيرها
باختصار, ع قد ما كانت مناشبتني في كل شيء من لما كنا صغار بس جد وربي ما أقدر أتخيل حياتي من غير هالبنت
فخورة فيها كثثثثثير, وعلى اصرارها وطموحها هذا أتخيلها شيء كبير مرة, فأي شيء تحبه سواء فالرسم أو التصوير . .
أحبك سلتوحتي :$
.
.
jojo
قد إيش أحب هالبنت, وقد إيش ضحكتها تسعدني
مرة يعجبني تفكيرها وطموحها لبكرة, وأحب أسمعها وهي تخطط لمستقبلها . .
جدا ذكية ما شاء الله وقد المسؤولية وأقدر أعتمد عليها . .
ما تتنازل بسهولة, وعندها استعداد تام تزبد لأي أحد يضايقها
تحب تدلع نفسها وتهتم باللي حولها
فيها فوبياء ظلمة بشكل فظيعععع
سبونج بوب شخصيتها مثله بالضبط \(◦’⌣’◦)/
بريئة مرةة, وأحيانا أحس برائتها تقتلني
أكثر شيء ينرفزها النآس اللي تحب تحطم, واللي ما عندهم أمانة
أذكر أول ما انتقلت للمدرسة كانت هي أول شخص تكلمت معه وكانت منعزلة شوي وأول ما بديت أعرفها بعد السكن
برضو كانت منغلقة ع نفسها عرفت انها ما تحتك باللي حولها ع طول . .
ما كانت تتكلم بسهولة باللي مضايقها هذا أكثر شيء لاحظتة فيها وهالشيء يخليها تسوي أشياء هي نفسها مو حابتها
بس الحين تغيرت كثثير فرق كبير بين جوجو أول والحين أحس كأني أنا اللي تغيرت بجد مرة مبسوطة عشانها^^”
صارت شخص ينحط ع الجرح يبرى :$
أنا وهي فاشلات مرةة بالطبخ لدرجة مرة حرقنا مايكروويف السكن
إذا روقت يبدأ جوها وتطلع أفكار مجنونة . .
أي شيء حلو تشوفه تحب توريني ع طول > زينها ياخي =”(
أثق فيها كثثير, تفكيرها يشبه تفكيري فأشياء كثيرة يمكن لأننا بنفس العمر هالشيء خلاني أحب آخذ رآيها دايم, أحس أستفيد منها مرةة . .
ما تحب أحد يفرض عليها شيء, أو يلزمها تغير من شخصيتها هالشيء يخلي عبدتها الكامنة تطلع = )
هدفها تكون أفضل مبرمجة كمبيوتر وصاحبة أفضل شركة برمجة وهذا اللي أشوفه فيها الحين
فخورة فيها قد الدنيا, وأنتظر بطاقة دعوتي لإفتتاح شركتها الناجحة بإذن الله ^^”
ما أقدر أوصف هالبنت أكثر بس بجد مبسوطة مرةة لإني عرفتها بحياتي =”(
أحبك يا بقرتي اللطيفة :$
.
.
sam
ءءءء هالبنت بتجلطني ف يوم من كثر ما تحارشني وترفع ضغطي وتفجعني
أحححبها مرةة وتسعدني ياخي . .
مدري كيف ما عرفتها إلا بعد السكن مع انها كانت معي بنفس المدرسة وبعمر أختي
ما أحب أرجع من الدوام أو أنام من غير ما أمر عليها, لآزم أتفقدها كل شوي أحس إنها بنتي =”(
تستحي مرةة مرةة, وهالشيء أحيانا يضايقها لإنها فاهمة وعارفة كيف تتصرف لكن هالشيء يربكها
بس لآحظت انها تحسنت كثير ع أول وبدت تعطي لنفسها مجال أكثر . .
كنت أخاف عليها كثثير وأحس لو صار معها موقف يرفع ضغطها بتستحي ولا تدافع ع نفسها
بس طلعت مرةة غير صدمتني فيها ^^” طلعت تزبد البنت وتدي فالوجه بقوة أهم شيء حقها ما يضيع >تربيتي ޏ₍ ὸ.ό₎ރ
لإنها مرت بمواقف كثيرة وما شاء الله عرفت تتصرف فيها وهي لسه صغيرة, أحب آخذ رآيها بمواقف تصير لي,ودائم تفاجئني بطريقة تفكيرها الكبيرة ما شاء الله . .
هي آخر وحدة فينا جات للسكن, وكانت شوي منعزلة عنا بس لإن هومي صحبتها بدت تدخل معنا
كانت في مبنى ثاني ونقلت عندنا بعدين, هالشيء خلاها تدخل معنا أكثر, وجد من غيرها مدري كيف بنكون . .
تحب تصورنا في وضعيات غبية مرة وتهددنا فيها بعدين الحيوانة ლ(ಠ益ಠლ
طموحة لأبععد شيء, السعادة من جد لما أسمعها تتكلم ع مستقبلها
لما تتكلم ع بكرة أحس انظلمت البنت بسكنها فالسعودية = )
بس رآح تحقق كل شيء فبالها في أي مكان بإذن الله . .
موهوبة, موهوبة مرةةة ما شاء الله, أعمالها تفتح نفسي مرةةة
خيالها واسععع مرةة, وأفكارها جدا ضخمة والحلو فيها إنها تعرف تحط كل فكرة في مكانها الصح
استثمارية وأحس موخها إداري
تدقق ف أبسط الأشياء
في إمك خير تكلم ع عيالها super junior = )
تكرهه البسس, ههههه شكلها غبي إذا خافت منهم . .
تحب الأكل السبايسي والحامض مرةة
تحب الدمى المحشية وكذا > مدري اسمها كذا :”/ !! بالذات البقرة أبو سبايكي حقتها (ʃƪ˘⌣˘ )
تحب تجلس فجو رآآيقق, تعشق شيء اسمة توينز . .
ما تحب توضح إنها ناقصة اهتمام من أحد . .
ستايلها شيء جميل مرةة, تحب العطور وعندها حاسة شم رهيبة ياخي ما شاء الله ^^” عشآن كذا أحب ذوقها فالعطور
أثق فيها كثثثير, ولو أئتمنها ع نفسي ما رآح أندم
مدري ايش أكتب أكثر صراحة, أحس بسععادة إذا شفتها وهي كويسة, وعندي ثقة كبيرة إن مستقبلها رآح يكون أكبر من أفكارها وأهدافها . .
فخورة فيك قد كل مرة حارشتيني فيها Ɔ( ˘⌣˘)Ɔ
♥
♥
أحبك حجية :$
.
❜❜
ماشاء الله ربي يحفظ لك هالصاحبات🌹
ردحذف